POEZI / PSE M’VJEN N’ËNDËRR, GJENERAL?!...
11/01/2022 06:07
POEZI
Tafil DURAKU
PSE M'VJEN N'ËNDËRR, GJENERAL?!
pse më vjen
në ëndërr
gjeneral
e di
tash
t’kujtohen këshillat
po po
t’kujtohen
gjithsesi kaq vonë
ke kohë të bollshme
të mendosh
për atë kohë
e t’mendosh mirë
ku more n’thua
kur more n’thua pa mua
apo s’të kujtohet
sepse nuk do
ta kujtosh
e tash t’kujtohem
unë
të më vijsh papritur në ëndërr
të më thuash
mirë e kishe pasë
dhe mirë e ke
ke kohë
t’i stërhollosh
mendimet që t’i thashë në kohë
pse m’vjen
n’ëndërr
gjeneral
në atë udhë zjarri
shtigje lirie
përçapen malit kombërisht
e harrove historinë
që përsëritet
po s’mësove nga e hidhura
e nuk doje ta dije
se ke përballë
bijtë e atyre që vranë
edhe ata që vranë
shabanpalluzhë
e mehmetgradicë
gjeneral
pse m’vjen n’ëndërr
gjeneral
për asnjë lakmi
nuk shitet gjaku i lirisë
nuk shitet gjaku i Shqipërisë
gjeneral
pse m’vjen n’ëndërr
po të pyes pse
pse
me t’madhe pse
po të pyes
e mua aspak
nuk më vjen mirë
ku je
gjeneral
pse m’vjen n’ëndërr
kohëve të liga që toleruat
e pamë
të pakënaqur
atdheun
prandaj kurrë
s’i lejuam vetes
kënaqësi
po e shohim
sot
edhe më zi gjendja
e si të kënaqemi
me tradhtinë tonë
në krye
gjeneral
ti s’e kupton dot
Maldelenën time që më mban zgjuar
për atdheun tim
dashuria ime
e pamortshme
e ti kujtohesh sonte
të më vijsh në ëndërr
gjeneral
pa më treguar asnjëherë
kush dhe pse t’i dhanë
pozitat dhe gradat
për t’më rishtypur mua
shtypësit e djeshëm
me këlyshë
e t’kam thënë qartë
po mashtrohesh e po t’mashtrojnë
gjeneral
nuk di
a po e sheh sot
mashtrimin bizar
e komunistëve të Titos
nuk u shihen këmbët
edhe ditën ecin me fener
e këto s’t’i pata borxh
t’m’i bësh pas lufte
gjeneral
ke kohë tash
të rimendohesh gjeneral
mendimi ka vlerë kur thuhet në kohë
unë
u dola hakut
gjeneral
po ju
ia hëngërt hakun luftëtarit
lirisë e Shqipërisë
sa keq
po bëhet në emrin tuaj
e të luftës
gjeneral
pse më vjen në ëndërr
gjeneral
Dhjetor 2021
KU MBETI PRANVERA IME, GJENERAL
në mars të ‘98
e pata titulluar
një cikël poezish
pranverë
në
Açarevë
e tash
inicialet
e artë
po m’i godasin
dimrat polarë
të LDK-së jugosllave
në këtë shtëpi
të huaj Zoti
o ua pruftë o ua humbtë
po
pranverën time
ku e çuat ku e tretët
pse m’i bëni
këto të zeza
gjeneral
pse lejuat
të më vritet
pranvera
ajo pranvera ime
e Shqipërisë
ajo pranvera ime e lirisë
në Açarevë Burojë e Prekaz
e me Açarevë Burojë e Prekaz
po ma vrasin pranverën
po ma përndjekun
pranverën
lëdëkëistët qeshit-qeshit
po ma burgosin
pranverën
sfilatitistët
atë pranverën e marsit ‘98
kush po ma vret
pas shpine
gjeneral
ku mbeti pranvera ime e lirisë
pranvera ime e Shqipërisë
ku humbët udhë
dhe pse humbët udhë
gjeneral
ku mbeti pranvera ime
gjakimi im
i Shqipërisë
Janar 2022